الخلع
الخلع
ولان الزوج ممكن يساوم الزوجة على الطلاق لو هيا مش عارفة توصل للطلاق إزاى فى بوست أنهاردة هنتكلم على كل مايخص الخلع واسباب الخلع والاساليب الى ممكن يستخدمها الزوج عشان يوقف دعوى الخلع ......
الخلع بمنتهى البساطة دى زوجة رفضت تكمل الحياة الزوجية مع الزوج لاى سبب كان سواء كان سبب رفضها لاستمرار العلاقة الزوجية انها قررت دا او كان الزوج دايم اذية والاعتداء على الزوجة وهنا الزوجة بتختار تنهى المشهد الدرامى دا بالطلاق.....
ماهى أسباب الخلع...؟
القانون المصرى لا يشترط سبب محدد للطلاق خلعا فيكفى ان تذكر الزوجة انها تخشى على نفسها الفتنة أو انها تخشى الا تقيم حدود الله.
ماهى وسيلة إثبات الخلع...؟
الخلع مش محتاج اسباب ولا إثبات من الزوجة فمجرد ذكر الزوجة انها تخشى الفتنة بيكون كافى للخلع.
هل بيحتاج الخلع شهود...؟
لا الخلع مش محتاج شهود الشهود بيكونوا فى الطلاق للضرر اما الخلع مش بيحتاج لشهود.
هل الزوجة بتخسر كل حاجة فى الخلع....؟
لا طبعا الزوجة بتتنازل عن نفقة المتعة والعدة ومؤخر الصداق فقط وباقى الحقوق بتحتفظ بيها بالرغم انه فيه خلع زى نفقة الاطفال وقايمة المنقولات وشقة الزوجية.
هل الخلع له إستئناف من الزوج....؟
لا الخلع الدعوى الوحيدة الى مفهاش إستئناف بمجرد صدور الحكم تعتبر الزوجة مطلقة.
هنكمل معلوماتنا ادعمينا وعلقى #بتم وهيوصلك كل يوم معلومة جديدة بلال جابر محامى الاحوال الشخصية محامى قضايا الاسرة
للتواصل
01024941022
Comments
Post a Comment