حقوق الزوجة قانونا...

كل مايجب ان تعرفيه للوصل لحقك قانونا...؟
عند حدوث المشكلة بين الزوجين الزوجة بتكون فى حيرة من امرها وكمان بتسمع كلام كتير غلط عن حقوقها والتنازل عن حقوقها ووقت المحاكم وكمان بيكون عندها لبس فى مواضيع كتير زى #الخلع او قائمة منقولاتها لو هتلجاء للخلع وحقوق اطفالها من نفقات شهرية ومصاريف تعلمهم ودا راجع لكثرة المعلومات المغلوطة سواء عند بعض الاشخاص او على الانترنت ..واحنا فى بوست انهاردة هنشرح بالتفصيل بعض المعلومات المهمة الى لازم الزوجة الى بتفكر فى الطلاق تعرفها عشان ميتمش ظلمها او ظلم اطفالها تابعى البوست...

فى الاول لازم تقررى هل هتنهى المشكلة بالطلاق ام انك هتاجلى قرار الطلاق وهتطالبى بحقوقك كزوجة وحقوق اطفالك .....وهناخد مثال لتبسيط المعلومة..

زوجة قررت الانفصال بعد معناه من دوامة الحلول الودية ومفيش نتيجة وهتلجاء للمحكمة المفروض تتصرف ازاى..؟

فى البداية لازم الزوجة تعمل اجراءات التمكين من مسكن الزوجية عشان تحافظ على حقوقها ومن الاجراءات دى محضر التمكين وباقى التفاصيل الى بنشرحها فى حلقتنا وبوستنتا ولو محتاجة معلومات اكتر عن التمكين شوفى البوست دا...

https://www.facebook.com/429525543908445/posts/1047955092065484/

وبعد ماتعمل الزوجة التمكين ومعاها قائمة المنقولات لازم تطالب بيها الزوجة وانا شخصيا بنصح انها تختار طريق التبديد ودا مفيد ليها جدا لان اجراءته سريعه جدا ولو محتاجة معلومات اكتر عن التبديد شوفى البوست دا ...

https://www.facebook.com/429525543908445/posts/1053054604888866/

وهنروح للطلاق للضرر او الخلع...

وفية فرق كبير بينهم لان دا طريق ودا طريق تانى خالص والزوجة الى بتختار تمشى اى طريق فيهم وهنقول لحضرتك باختصار اهم الفروق بينهم....

الخلع سريع جدا بالنسبة للطلاق
الخلع الزوجة بتتنازل عن حقوقها
الخلع مش محتاج اثبات
الطلاق للضرر الزوجة بتاخد نفقة متعه وعدة ومؤخر ولو محتاجة تفاصيل اكتر انصحك بقراءة البوست دا...

https://www.facebook.com/429525543908445/posts/1044584812402512/

لو كنتى شوفتى البوست الى فى اللينك دا 🔝🔝 كدا هتكونى عرفتى الفرق بين الخلع والطلاق للضرر...وبناء على كدا هتطالبى بنفقة شهرية لو حضرتك رفعتى طلاق للضرر لانك كزوجة ليكى نفقة شهرية اما لو حضرتك رفعتى الخلع فملكيش نفقة شهرية بس ليكى نفقة للاطفال...هنكمل معلومات عن حقوقك وحقوقك اطفالك فى بوست تانى علقى #بتم عشان يوصلك باقى المعلومة..تحياتى بلال جابر محامى قضايا الاسرة محامى احوال شخصية

للتواصل

01024941022