نفقة المتعة والعدة والمؤخر!!
#نفقة_المتعة_والعدة_والمؤخر
#حقوق_المطلقه
شرح كامل عن نفقة المتعه والعدة والمؤخر وعشان كدا فى البوست دا هنحاول نقولك كل مايخص نفقة المتعة والعدة والمؤخر تابعينا........
نفقة المتعة
نفقة المتعة دى أول حق بيكون للمطلقة بمجرد حصول الطلاق سواء كان الطلاق دا ودي او قضائى والحق دا جاى من الشريعة الاسلامية ومن الحقوق المشهور للمطلقة وغالبا المطلقة بتكون اتنازلت عن نفقة المتعة ودا راجع لقلة وعيها القانونى او انها مش بتاخد بالها انها تتنازل عن حقوقها ونفقة المتعه فى القانون اقل تقدير ليها 24 شهر يعنى سنتين وطبعا ملهاش حد اقصى واقل تقدير دا بيتحسب لاى زوجة وبيكون مستحق ليها بس بشرط واحد بس ان الزوجة مش هيا السبب فى الطلاق بالبلدى وببساطة ان سبب الطلاق من الزوج
نفقة العدة
يضاف لنفقة المتعة ثلاث شهور نفقة عدة وبيكون كدا اجمالي اقل تقدير لحقوق المطلقة 27 شهر
24 شهر نفقة متعه + 3 شهور نفقة عدة
واخر حاجة
مؤخر الصداق
ودا بيكون مستحق بمجرد حدوث الطلاق وبيختلف قيمتة من زوجة لزوجة ودا راجع للاتفاق المسبق بين الزوجين
وهنا هنوضح نقطة مرتبطة بموضوعنا انهاردة
ان نفقة المتعة والعدة والمؤخر دول حق من حقوق المطلقة سواء كان طلاق غيابى او طلاق للضرر بالمحكمة او طلاق حضورى مع احتفاظ المطلقة بحقوقها
وتقدير مقدار نفقة المتعة بيختلف من حالة لحالة ولاكن في كل الاحوال هوا حق للمطلقة بمجرد وقوع الطلاق
لو حضرتك استفادى من البوست علقى بتم او شاركى البوست وخلى الجميع يستفاد بقلم بلال جابر
للتواصل
01024941022
Comments
Post a Comment