حقوق المطلقة للضرر

#حقوق_المطلقة_للضرر
#اعرفي_حقوقك_صديقتي

صباح الفل صديقاتي
لما الزوجة بتطلق للضرر بتحافظ على كل حقوقها والنهاردة حنعرض كل حقوقها بالتفصيل  تابعوا معانا
1- مسكن الزوجية:- المطلقة للضرر هتاخد مسكن الزوجية لو كانت حاضنة وهيكون معاها الخيار انها تاخد نفس الشقة اللي مقيمة واستمرت العلاقة الزوجية فيها او ترفع دعوى تطالب فيها باجر مسكن بس يشترط انها تكون حاضنة طبعا.
2- قائمة المنقولات:- هتحافظ المطلقة للضرر على جميع حقوقها وهتاخد جميع المنقولات الموجودة في قائمة المنقولات الخاصة بها ولو الزوج امتنع عن اعطائها منقولاتها هيعرض نفسه لعقوبة الحبس.
3- نفقة المتعة:- القاضي هيحكم للمطلقة للضرر بنفقة متعة لا تقل عن سنتين ودا الحد الادنى في القانون ونفقة المتعة ليس لها حد أقصى وللتوضيح لو الزواج استمر يوم واحد فقط هيكون من حق المطلقة للضرر نفقة متعة لا تقل عن سنتين ايضا
4- نفقة العدة:- بخلاف نفقة المتعة المطلقة للضرر ليها نفقة عدة تعادل فترة العدة الخاصة بيها وهي غالبا بتكون ثلاثة شهور.
5- المؤخر (مؤخر الصداق):- المطلقة للضرر بتاخد مؤخر الصداق المكتوب في قسيمة الزواج ودا على حسب قيمته.
6- حضانة الأطفال:- الاطفال بعد الطلاق للضرر بيستمروا في حضانة امهم لان الحضانة للام بقوة القانون وهيفضل الاطفال مع الام الى نهاية سن الحضانة.
7- نفقة الأطفال:- هتاخد المطلقة للضرر نفقة شهرية لاطفالها لا تقل عن الحد الادنى اللازم لمعيشة الاطفال وهتستمر النفقة دي على الزوج شهريا لغاية نهاية سن الحضانة للاطفال.
8- مصاريف العلاج الخاصة بالاطفال:- لو لا قدر الله احتاج الاطفال الى رعاية صحية نتيجة مرضهم والقانون الزم الاب بالمصاريف دي فالمطلقة للضرر من حقها ترفع دعوى وتطالب الاب المطلق بكافة مصاريف العلاج للاطفال.
9- مصاريف التعليم:- طبعا لان التعليم حق اساسي للاطفال فالقانون كفله ليهم والالتزام دا على الاب فمن حق الام المطلقة للضرر اللجوء للقضاء لاجبار الاب على دفع مصاريف تعليم الاطفال.
10- بدل كسوة شتاء او صيف (الملابس الخاصة بالاطفال):- الام المطلقة للضرر وحاضنة اطفالها بيحتاجوا كل فترة ملابس سواء في فصل الصيف او الشتاء والقانون الزم الاب انه يجيب الملابس دي لاطفاله فلو امتنع فمن حق الام انها ترفع دعوى وتجبر الاب انه يدفع الفلوس دي.

 وتابعينا كل يوم ومعلومه جديده وادعمينا ودوسي لايك وشير
تحياتي بلال جابر
#محامي_قضايا_الاسره
#للتواصل
01024941022
01221420199