إجراءات الطلاق!!

#إجراءات_الطلاق_الودى
#إجراءات_الطلاق_القضائى
#معلومة_قانونية

لو كنتى حضرتك فى فترة خلافات زوجية وهيتم الإنفصال بينك وبين جوزك بالطلاق الودى (عند المأذون)  أو قضائى (الخلع أو الطلاق للضرر)  يبقى حضرتك لازم تتابعى البوست دا لاننا هنشرح فية الفرق بين الطلاق الودى والطلاق القضائى وكمان وإيه هيا إجراءات الطلاق الودى ولو الزوج رفض تطليق الزوجة المفروض الزوجة تتصرف ازاى........

الطلاق الودى والطلاق القضائى

الفرق بين الطلاق الودى والطلاق القضائى ان الاول بيكون عند المأذون والتانى عن طريق المحكمة والطلاق القضائى غالبا بياخد شكل دعوى الخلع أو دعوى الطلاق للضرر وفى الطلاق الودى لازم الزوجة تحرر #عقد_إتفاق_على_طلاق بينها وبين الزوج بيحكم العلاقة بينهم اثناء فترة الطلاق....

فمثلا لو الزوجة عندها طفلين وزوجها موظف فتحرر عقد إتفاق بينها وبين زوجها هتحدد فية موقفها من نفقة المتعة ونفقة العدة ومؤخر الصداق وهل هيتم دفعهم من الزوج للزوجة ام هيتم التنازل عنهم مقابل تطليق الزوجة وكمان هيتم تحديد قيمة النفقة الشهرية المستحقة للأطفال ونفقة الأطفال الشهرية بيختلف مقدارها حسب دخل الأب ومن الطبيعى هيتم تحديد مبلغ الزيادة النسوية لنفقة الأطفال فى عقد الأتفاق على الطلاق وموقف مسكن الزوجية هل هيتم إستمرار الام باطفالها بعد الطلاق بمسكن الزوجية ام هيتم تحديد مبلغ معين كل شهر كقيمة أجر المسكن وكمان هيتم تحديد كفية رؤية الاب لاطفالة ف الرؤية بيتم تنظيمها بين الاب والام فى بند من بنود عقد الإتفاق على الطلاق فمثلا كل اسبوع 3 ساعات فى منزل احد اقاربهم او مسكن الام او خلافة .....وغيرو من الامور المهمة تجنبا لاي خلاف مستقبلا بين الاب والام اما إذا رفض الزوج تطليق الزوجة هنا هتختار الزوجة الطريق الثانى وهوا الطلاق القضائى.....

الطلاق القضائى

لو الزوج رفض تطليق الزوجة بصفة ودية بيكون من حقها اختيار طريق الطلاق سواء الطلاق خلعا (الخلع)  او الطلاق للضرر وهنا لازم تحدد الزوجة من البداية موقفها اية من طريقة تطليقها لانو طريق الخلع بيختلف عن طريق الطلاق للضرر ففى #الخلع  بتتنازل الزوجة عن نفقة المتعة ونفقة العدة ومؤخر الصداق وبترد مقدم الصداق اما فى الطلاق للضرر بتحتفظ الزوجة بكافة حقوقها الزوجية من نفقة متعة ونفقة عدة ومؤخر صداق اما من ناحية وقت كل دعوى فوقت الخلع أسرع من الطلاق للضرر لانو مش بيحتاج إثبات سبب معين للطلاق خلعا بعكس الطلاق للضرر الى بيحتاج سبب قوى للقاضى وشهود إثبات السبب دا وهنكمل موضعنا فى بوستات تانية تحياتى بلال جابر محامى قضايا الاسرة
#خليكى_إيجابية_وشاركى_المعلومة
#لدعمنا_لايك_كومنت_شير
#تابعينا_كل_يوم_معلومة_قانونية_جديدة_ومفيدة

للتواصل

01024941022

المكتب

ميامى العيسوى بجوار مستشفى مارى مرقص امام جزارة افندينا