نفقة الصغار

#نفقة_الاولاد_الصغار
#نفقة_الصغار
#افهمي_حقوقك_صديقتي

القانون المصري ألزم الأب إنه يصرف على أولاده حتى لو كان فقير ومعهوش فلوس وعشان كدا أي أب بيتنصل من الدور دا فمن حق الزوجة ترفع دعوى قضائية تلزم الأب إنه يصرف على أولاده
ولو الأب امتنع رغم كل دا عن الإنفاق على أولاده فمن حق الأم تحبس الأب وكمان هتاخد فلوسها من بنك ناصر.
والكلام دا ليه اصل شرعي وديني وربنا أمر بيه ... فنشوف الموضوع إزاي بيمشي شرعاً.
مفيش خلاف بين فقهاء المسلمين على وجوب نفقة الأولاد الصغار على ابائهم والحق دا ثابت بالكتاب والسنة:-
فقد قال تعالى:- ( وعلى المولود له رزقهن وكسوتهن بالمعروف)
والمولود له هنا هو الاب
يعني الايه الكريمة اكدت ان الاب ملزم يصرف على اولاده
وكمان السنة النبوية الشريفة قالت كدا كمان
ففي واقعة مشهورة في موضوع النفقة دا
فقد روى ان هند بنت عتبة زوجة ابي سفيان قالت يا رسول الله: إن أبا سفيان رجل شحيح ولا يعطيني ما يكفيني وولدي إلا ما أخذ منه وهو لا يعلم فقال عليه الصلاة والسلام (خذي ما يكفيكي وولدك بالمعروف)
ودا معناه ان اي راجل لازم يكون محترم وبالادب كدا لازم يدفع النفقة للأطفال لان دي ثابتة بأوامر ربنا وأكد عليها الرسول الكريم
القانون المصري أكد على الموضوع دا واعتبر ان الزوج اللي مش بيصرف على أولاده مقصر وبيكون معرض للحبس والقانون المصري نظم الموضوع دا في المادة 18 مكرر ثانيا وقال
*نص المادة 18 مكرر ثانيا :-
"إن لم يكن للصغير مال فنفقته على ابيه"
والقانون والشرع واضح وحسم الموضوع دا فلازم حضرتك تكون محترم وتصرف على أولادك وإلا هتتعرض للمساءله القانونية وكمان بتوصل المساءلة دي للحبس وحتى لو اتحبست الدين دا مش هيسقط من عليك ولازم تدفعه وعشان كدا احنا بننصح حضرتك إنك تدفع دين النفقة ومش هنقول لك دول أولادك ومن المفروض تصرف عليهم لانه لو حضرتك معملتش كدا مش هتنفع معاك نصايح الدنيا كلها
ولو عجبتك المعلومة لايك وكومنت وشير
مع تحياتي بلال جابر
محامي قضايا الاسرة
للتواصل
01024941022
0122142199
01552437474