التصرف الصحيح فى الطلاق الودى؟!

#هتتصرفي_ازاي_لو_هتطلقي_ودي
#الطلاق_الودي
#اعرفي_حقوقك_يصديقتي

في فتره المشاكل الزوجه بيكون تفكيرها مشوش جدا وطبعا مع كميه النصائح العجيبه من كل الاشخاص الي حواليها بيزود عندها الارتباك وكمان الزوجه بتكون نفسيا مدمره ومحتاجه تخلص المشكله باي شكل وايا كانت النتيجه وطبعا دا بيخلي الست بتتنازل عن جزء كبير من حقوقها

واحنا دورنا نفهمك تتصرفي ازاي صح لو هتطلقي ودي
وايه هيا حقوقك الي هتحافظي عليها ؟ وايه هيا الحقوق الي هتتنازلي عنها ؟ وموقف الشقه والقايمه من الطلاق ؟ وازاي تضمني نفقه اطفالك الشهريه ؟ وكل مايخص الطلاق ركزي معايا البوست دا مهم جدا ليكي يصديقتي

في الاول هطلب منك طلب صغير اتفاعلي مع البوست سواء بلايك او تعليق عشان نقدر نكمل

بالنسبه لموضوعنا هنفرقي بين شويه حقوق كدا

حقوقك كزوجه وحقوقك كحاضنه وحقوق اطفالك وقايمه المنقولات وهنبسط الموضوع اكتر عشان تفهميه اكتر

الطلاق بيرتب حقوق للزوجه والاطفال كتير فمثلا

نفقه الاطفال

لازم تحلي المشكله دي قبل متطلقي عشان لو محلتهاش هتروحي تطالبي بيها في المحكمه وعشان تتجنبي المحكمه في الطلاق الودي اعملي عقد اتفاق بيحدد نفقه اطفالك اد ايه وكمان هتزيظ بنسبه كام كل شهر ودي نفقه شهريه للمصاريف بيعيد عن مصاريف العلاج والمدارس والكسوه والمصاريف التانيه

شقه الزوجيه

حضرتك لو حاضنه هتتمكني من مسكن الزوجيه بنسبه ١٠٠ في الميه لانك حاضنه وبالتالي لو هتطلقي ودي ورفض الزوج انه يسيبلك الشقه ارفضي لانها حقك شرعا وقانونا ودا راجع ان من مصلحه الاطفال مكان يعيشو فيه حياه كريمه

قائمه المنقولات

دي حق ليكي بكل ماتحتويه من منقولات وعفش واجهزه فلو حصل اتفاق علي الطلاق يكون خارج المنقولات لانها اصلا ملك ليكي من تاريخ الزواج فدي حق ثابت ليكي

مصاريف الكسوه والعلاج والمدارس

واي مصاريف تخص الاطفال الاب ملتزم بيها قانونا وشرعا وكمان لو محصلش عقد اتفاق بينكم من حقك ترفعي بيهم دعوي وهتاخدي حقوق الاطفال دي

المؤخر والمتعه والعده

هنا بيرجع الامر ليكي انتي حقك تتنازلي او تتمسكي بيهم حسب رغبتك والاتفاق بينك وبين طليقك

طبعا لسا مخلصناش موضوعنا هنكمل الموضوع وتحياتي وسلامي ليكم بلال جابر
محامي قضايا الاسره

للتواصل

٠١٠٢٤٩٤١٠٢٢