حقوق الزوجة على زوجها...
ما لا تعرفة الزوجة عن حقوقها....
هنتكلم فى بوست انهاردة عن حقوق الزوجة على زوجها من الناحية القانونية فى قانون الاحوال الشخصية المصرى والبوست دا هنتكلم فيه عن حقوق الزوجة فقط بدون #حقوق_الاطفال الى هنتكلم عنها فى بوست تانى .....
فى البداية للزوجة نفقة شهرية...
ومقدارها بيختلف حسب طبيعة ونوع عمل الزوج ومتوسط دخلة الشهرى والزوج لو امتنع عن دفع النفقة الشهرية للزوجة بيكون معرض للحبس فى دين نفقة الزوجة
اجر السكن ....
الزوجة لو حصل الخلاف الزوجى وتم طردها من مسكن الزوجية وهيا معندهاش اطفال بيكون من حقها اجر سكن اما لو كانت حاضنة وعندها اطفال بيكون من حقها شقة الزوجية ودا اسمة تمكين من مسكن الزوجية.
مصاريف العلاج...
لاقدر الله لو الزوجة مريضة وبتحتاج علاج شهرى الزوج ملزم بتوفير العلاج دا للزوجة او لو امتنع بيكون من حق الزوجة المطالبة بين قضائيا.
بدل الفرش والغطا....
ودا نوع من النفقات بيختلف عن نفقة الزوجة الشهرية بيضاف لنفقة الزوجة الشهرية
قايمة المنقولات....
عكس ماهو شائع فلا يشترط الطلاق حتى تحصل الزوجة على منقولاتها فحتى ولو العلاقة الزوجية قائمة يحق للزوجة المطالبة بقايمة المنقولات الزوجية.
هل تختلف الحقوق الخاصة بالزوجة مع وجود الاطفال؟
لا تختلف حقوق الزوجة فى حالة وجود الاطفال ولاكن مع وجود الاطفال بيتم المطالبة بحقوق اكتر من قبل الزوجة زى مثلا نفقة الصغار الشهرية وخلافة من مصاريف تعليم ...الخ
احنا معلومتنا مخلصتش لو محتاجة تعرفى معلومات اكتر علقى #بتم وهيوصلك كل يوم معلومة جديدة تحياتى بلال جابر محامى احوال شخصية محامى قضايا الاسرة
للتواصل
01024941022
Comments
Post a Comment