هل عقد الاتفاق على الطلاق ملزم؟!
#عقد_الإتفاق_الودى
#معلومة_قانونية
بيحصل كتير ان الزوجين لحظة الطلاق بيحررو عقد إتفاق بينهم على الطلاق وعقد الاتفاق على الطلاق من أهم العقود الى الزوجة لازم تاخد بالها من تفاصيله قبل ماتمضى علىة ودا راجع لان القانون بيلزم الطرفين بالعقد ركزى معايا فى البوست دا وهنشرح لحضرتك بالتفصيل الموضوع بيمشى ازاى ..........
فى الاول لازم نوضح ان العقد دا فيه كذا بند فمثلا بند النفقة الشهرية لو الزوجين اتفقوا على نفقة شهرية معينه للاطفال فالعقد ملزم ليهم هما الاتنين ولو حاول الزوج يتهرب من تنفيذ العقد بيكون من حق الام المطلقه رفع دعوى قضائية بإلزام الاب بتنفيذ الاتفاق .....
وغالبا بتمضى الام المطلقه انها استلمت جميع حقوقها من نفقة متعه وعدة وموخر صداق وهنا لازم الزوجة تخلى بالها انها قبل ماتمضى على حاجة تكون استلمتها حقيقى والا هيضيع حقها بايديها وكمان الافضل يكون معاها محامى يراجع العقد حرسا من تلاعب الزوج
ولو الزوجة معاها قائمة منقولات لازم تستلمها الاول فبل ماتمضى إقرار استلام المنقولات لانو بمجرد انها تمضى الإقرار دا مش بيكون من حقها انها تشتكى قانونا
وعشان عقد الاتفاق دا حاجة مهمة ومصريه فى حياه المطلقة بننصح انها تراجع العقد كويس جدا مع المحامى بتاعها قبل ماتمضى عليه او تصدق عليه فى المحكمه وفى النهاية بنشكر حضراتكم على المتابعه تحياتى بلال جابر محامى قضايا الاسرة
للتواصل
01024941022
Comments
Post a Comment