علاقة الخلع بقائمة المنقولات..؟!
ماهى علاقة الخلع بقائمة المنقولات؟!!
**في ناس كثير فاهمه انه في الخلع الزوجه بتتنازل عن قائمه منقولاتها ،وطبعا الإعتقاد دا خاطئ، لانه حتى مع وجود الخلع الزوجه تحتفظ بقائمه منقولات كامله ازاي ده بيحصل تعالوا نعرف بوست النهارده علاقه الخلع بقائمه المنقولات.
** احنا قلنا قبل كده انه في الخلع الزوجه بتتنازل عن نفقه المتعه ،والعده، ومؤخر الصداق فقط، و بتاخد قائمه منقولاتها وكمان بتحافظ على كافه الحقوق الخاصه باطفالها ،زي نفقه الاطفال الشهريه، مصاريف التعليم ،مصاريف العلاج، الفرش والغطاء ،شقه الزوجيه ،وشوقو وباقى الحقوق الثانيه بنتكلم عنها في بوستاتنا دايما،وعشان ما نخرجش عن موضوع النهارده وهو علاقة الخلع بقائمه المنقولات الزوجيه؟!وهنتكلم عن الطريقة القانونية لاسترداد المنقولات الزوجية من قبل الزوجة؟!
**الزوجة بتحرر محضر في قسم الشرطه التابع ليه مكان سكنها وبتطلب في المحضر رد منقولات الزوجيه الى الزوج استولى عليها وبعد كده المحضر بيروح للنيابه العامه وبعدين للمحكمه اللي هتصدر حكم بالحبس على الزوج، لو ما سلمتش قائمه المنقولات،
* وفي طريق تاني للزوجه تقدر تاخد به قائمه منقولاتها لو هي مش حابه موضوع حبس الزوج ودا بيكون عن طريق محكمه الاسره الزوجه وودا بيتم عن طريق رفع دعوى قضائيه اثبات المنقولات الزوجيه امام محكمه الاسره وغالبا هتحكم للزوجه برد المنقولات او رد قيمتها وهنا السؤال ايه احسن طريقه هل طريق محكمه الاسره احسن ام طريق الجنح افضل؟!!
** الاجابه على السؤال ده بتكون عن حضرتك
* طريق الجنح اسرع وفيه عقوبه الحبس وده بيكون كأداه قوية لتهديد الزوج بتجبره برد منقولات الزوجيه أو هيتعرض للحبس.
وطريقه ثاني طريق محكمه الاسره بيكون ابطاء شويه و ما بيكونش في حبس للزوج ...الحكم يطلع بتسليم المنقولات اورد قميتها وحضرتك اللي بتختاري اي طريق وانت اللي بتعرفي وانت اللي تقرري انه طريق احسن لحضرتك.. ولو حضرتك استفدت من المعلومه ممكن تعلقي بتم يوصلك كل يوم معلومه جديده عن الاحوال الشخصيه....
تحياتي بلال جابر
محامي قضايا الاسره
التواصل
01024941022
Comments
Post a Comment