النفقة

#النفقة_1
#كل_مايتعلق_بالنفقة
#اعرفي_حقوقك_صديقتي

صباح الفل والسعادة اصدقائي

الفترة اللي فاتت وصلتنا اسئلة كتير ومختلفة ومتنوعة عن موضوع النفقة وعشان كده قررنا نعمل بوستات متتالية عن موضوع النفقة هنوضح لكم فيها كل ما يتعلق بالموضوع ده .

والنهاردة حنبدأ باول واهم جزء وهو تعريف النفقة وانواعها
تابعونا ....
.
.
.
*** ما هي النفقة؟
هي كل ما تحتاجه الزوجة او الصغير من مصاريف سواء اكل او سكن اوملابس او علاج او تعليم او ....

*** ما هي انواع النفقة؟
للنفقة انواع عديدة منها نفقة طعام ونفقة مسكن وكسوة وتعليم وبدل فرش وغطا ومصاريف علاج وأجر حضانة وأجر رضاعة وهنوضح معنى كل نفقة منهم  بايجاز
1- نفقة الطعام:- للزوجة والصغير نفقة شهرية من مال الزوج تكفي لاطعامهم ومبلغ النفقة دي بيختلف حسب وضع الزوج الاجتماعي والمالي ومتوسط دخله.
2- المسكن:- الاب ملزم بتوفير مسكن للزوجة والاطفال للاقامة فيه او انه يدفع ليهم بدل سكن (اجر مسكن) توفر بيه الزوجة مسكن للاطفال.
3- الكسوة:- القانون المصري كفل للاطفال مبلغ يكفي لكسوتهم كل صيف وشتاء ملزم بيه الاب.
4- بدل الفرش والغطا:- لان الفرش والغطا من الحاجات اللي بتهلك من الاستعمال عشان كدا القانون الزم الاب بدفع مبلغ شهري ولو بسيط يكفي الاحتياجات دي للطفل.
5- مصاريف العلاج:- لو الطفل او الزوجة اصابهم مرض واحتاجوا كشف او فحوصات او تحاليل فالزوج ملزم بالمصاريف دي والافضل ان الزوجة تحتفظ بالروشتات والاشعة او الفواتير عشان تدعم موقفها وهي بتطالب بالنفقات دي.
6- مصاريف التعليم:- القانون المصري الزم الاب انه يعلم اطفاله ايا كان نوع التعليم ده سواء تعليم حكومي او خاص او اجنبي ودا بيتحدد على حسب دخل الاب ووضعه الاجتماعي.
7- نفقة الزوجية:- الشريعة الاسلامية والمسيحية على حد سواء الزموا الزوج انه يدفع نفقة شهرية للزوجة ودا طبيعي لان الزوج وظيفته في الحياة انه يشتغل ويجتهد والزوجة ترعى الاطفال  وعليه فالزوج ملزم بالنفقة الشهرية دي.

وتابعونا وحنكمل سوا كل ما يتعلق بالنفقة وكل الاسئلة المتعلقة بيها في بوستاتنا الجاية.

وتابعينا كل يوم ومعلومة جديدة عن حقوقك وحقوق اولادك في القانون
ولو عجبتك المعلومه لايك وشير عشان غيرك يستفيد
تحياتي
بلال جابر
#محامى_قضايا_الاسره
01024941022
01221420199