ماهى اجراءات الطلاق عن طريق المحكمة؟
#الطلاق_للضرر
#اعرفي_حقوقك_يصديقتي
صباح الخير هنتكلم في بوست انهارده عن موضوع بيشغل بالك يصديقتي وهوا ازي بيتم الطلاق في المحاكم ؟ وايه هيا اجراءاته؟ وهل فعلا المحاكم بتطول ولا لا؟ تابعينا وهتسنفادي جدا من البوست دا.......
الطلاق
الطلاق بيختلف عن اي موضوع تاني في المحكمه فمثلا لو حضرتك بتلجائي للقضاء عشان تحصلي علي نفقه فالقانون رسم اجراءات محدده وفي النهايه هتوصلي لنفقه سواء مرضيه ليكي او حضرتك معتبراها قليله..... بس موضوع الطلاق ليه خصوصيه شويه في المحكمه ودا راجع لحاجه بسيطه جدا ان الطلاق بين الزوجين بيمس مواضيع حساسه جدا وكمان بتكون غايه في السريه وتقريبا هيا الحياه الخاصه الي مش من حق اي حد انه يناقشك فيها والمشكله بتزداد تعقيد اما يكون سبب طلاقك ليه علاقه باسرار حياتك وعشان متحسيش انو الموضوع صعب هنفهم حضرتك براحه كدا ايه هيا اجراءات الطلاق ؟
اجراءات الطلاق
وعشان الموضوع يعتبر متفرع جدا احنا هنتكلم عن سبب وموضوع واحد وحضرتك ممكن تقارني حالتك بيه وهوا مثلا...... زوجها بيعتدي عليها بالضرب
في الاول لازم تفهمي ان دا طلاق للضرر لاعتداء الزوج وطبعا الاعتداء دا بيسبب نوعين من الضرر ضرر مادي وهيا الجروح والاثار الي بتصيب جسمك وضرر نفسي وهوا حجم الاهانه والشعور بالخوف من جوزك وانعدام الامان..... الخ
وطبعا حضرتك محتاجه تثبتي النوع الاول ودا طريق اجباري........
فلازم تجيبي شهود والشهود دول المفروض يكونوا شافوا واقعه الاعتداء الي حصلت معاكي قدامهم والا لو كانو الشهود مش حاضرين الواقعه وشهدو فدا خطاء كبير وهيخليكي تخسري قضيتك...... وعشان كدا لازم وانتي بتحددي الشهود دول تجيبي اتنين بيكونوا علي قدر الوعي والمسؤوليه للموقف......
تاني حاجه انتي ممكن في جلسه سريه وخاصه تحكي للقاضي او اضعف الايمان للخبير عن كميه الالم النفسي الي حضرتك اتعرضي ليه وطبعا دا يعتبر خمسين في الميه من الطريق لاننا شرحنا وقولنا ان الضرر نوعين مادي ونفسي
بعد ماتخلصي مرحله الشهود القانون بيجبرك تروحي للخبراء النفسين عشان يحددو ويساعدو القاضي في التقيم العام لحالتك ونتاكد بالفعل هل فيه ضرر ولا حضرتك بتقولي اي كلام عشان تنهي العلاقه
كدا انت في المراحل الاخيره للموضوع بعدها المحامي الخاص بحضرتك هيكتب مذكره بيوضح ويفصل فيها نقاط قوه قضيتك والاسباب الي اتطرحت في الدعوي دي والقاضي هينظر ليها بعين الاعتبار لانها بتعتبر ملخص لملف القضيه وبعدها القرار النهائي للقاضي
القاضي هيشوف حالتك تستوجب تطليقك ولا لا بس سواء كدا او كدا انت عرفتي اجراءات الطلاق عن طريق المحكمه فعلقي بتم او شير للبوست ومتنسيش تعملي ادد لنفسك في جروب محامي قضايا الاسره صباح الفل تحياتي بلال جابر
محامي قضايا الاسره
للتواصل
01024941022
Comments
Post a Comment