الطلاق للضرر
#الطلاق_للضرر
#التعدي_بالضرب
#اعرفي_حقوقك_يصديقتي
كتير من الرجاله بتعدي علي زوجاتهم وكمان كتير من الزوجات بتلجاء للخلع بسبب الاهانه دي وطبعا ف الخلع هتتنازلي عن حقوقك زي مشرحنا قبل كدا في البوست دا هنتكلم عن سبب من اسباب الطلاق للضرر وهوا التعدي بالضرب
بصي يصديقتي الشرع والقانون وكمان العرف بيرفض التعامل مع الزوجه بنوع من الاهانه ايا كان شكله او اسمه سواء ضرب او سب او اهانه ومعامله غير لائقه للزوجه والسبب في دا ان الشرع بينظر للزوجه انها شئ عظيم لازم تتعامل معامله لائقه السؤال هل التعدي بالضرب سبب من اسباب الطلاق؟
طبعا الضرب سبب قوي من اسباب الطلاق للضرر ومن اكتر القضايا شيوعا في المحكمه وعشان القضيه الخاصه بيكي تكون موقفها قوي عند القاضي لازم تثبتي قضيتك
فمثلا الشهود دول حاجه مهمه جدا في القضيه دي وكمان لو فيه محاضر او تقارير طبيه ولو فيه واقعه سابقه واتنازلتي عنها
احنا بنرفض الضرب شكل وموضوع وكمان اي حد عاقل بيرفض تعامل زوجته بالاهانه دي وخصوصا لو فيه اطفال والقانون بيجرم الموضوع دا فنصيحه للرجاله بلاش العنف ضد المراءه وفيه مليون طريقه للتعبير عن وجهه النظر بيعد عن الضرب
احنا مش بنخلص معلومات بس البوست خلص فتابعينا وكل يوم معلومه وحق جديد ليكي يصديقتي تحياتي بلال جابر
محامي قضايا الاسره
للتواصل وتس
٠١٠٢٤٩٤١٠٢٢
Comments
Post a Comment