الطاعة
#انذار_الطاعه
#امتي_الزوج_بيرسل_انذار_الطاعه؟
#اعرفي_حقوقك_يصديقتي
صباح الخير يصديقتي اكتر مشكله ممكن تقابلك وانتي بتطلقي الطاعه فالزوج يفضل يهددك ويلعب باعصابك ويقولك هخليكي ناشز ويعني ايه اصلا ناشز دي؟ وايه هوا انذار الطاعه ؟ وهل ليكي الحق الاعتراض عليه ؟ واسئله كتيره جدا هنجاوبك عليها في بوستنا انهارده ركزي وتابعي البوست وفي البوست دا استخدمت اسلوب السؤال والاجابه عشان تقدري تستفادي اقصي استفاده وهنبداء الموضوع من الاول
يعني ايه انذار طاعه ؟
انذار الطاعه دا وسيله قانونيه بايد الزوج فبيكون من حقه لو الزوجه خرجت عن طوعه وتركت مسكن الزوجيه انه يبعت ليها انذار طاعه وينبه عليها فيه انها لو مدخلتش في طاعته حتكون ناشز ودا بيخودنا للسؤال التاني
يعني ايه ناشز؟
الناشز يصديقتي دي زوجه جوزها بعت ليها انذار طاعه ولم تعترض عليه في المده المحدده من القانون الي هيا 30 يوم او اعترضت بالفعل في المده ولاكن الاعتراض اترفض....... وطبعا قبل منقولك ازاي تكسبي الاعتراض وليه بتخسيره ؟ هنتكلم شويه عن شروط الطاعه
شروط الطاعه
لو فعلا القانون اعطي للزوج حق ارسال انذار طاعه للزوجه الا انه مسبش الحق مطلق للزوجه ببساطه الزمه بشويه شروط كدا لازم يوفرها للزوجه والا هيبقي بيكون بيعمل اجراء ملهوش قيمه قانونيه
طيب ايه هيا شروط انذار الطاعه ؟
القانون الزم الزوج بتوفير مسكن مناسب للزوجه ويكون طبعا مجهز من مجاميعه غساله وتلاجه وتلفزيون و.......
وكمان مش كدا بس دا يكون الزوج امين علي الزوجه يعني ايه امين دي ؟
يعني مش بيضربها ولا بيشتمها او بيعاملها معامله مش كويسه او بيسرق فلوسها ولا بيتكلم في شرفها وسمعتها
وحاجات تانيه كتير هنكلمكم عنها بالتفصيل في مناسبتها
يبقي كدا انذار الطاعه دا مش سلاح بيهدد كل الزوجات ؟!
فعلا الزوجه بعد مابتستلم انذار الطاعه دا بتروح للمحامي الخاص بيها بيعملها الاعتراض علي الطاعه وبالتالي كدا الموقف تساوي بين الزوج والزوجه فالموضوع هياخد شكل تاني وهيبقي عند القاضي
هل هيتم التحقيق في الطاعه ومعرفه مين السبب في المشكله ؟
طبعا القاضي هيستعين بشهود وكمان بخبراء نفسين وشويه حاجات كدا هيتاكد بيها مين السبب في المشكله وبالتالي هيحكم لطرف والتاني هيخسر القضيه
هل الزوجه ممكن تطلب الطلاق او الخلع في الاعتراض ؟ ولا لازم ترفع قضيه لوحدها عشان تطلق ؟
في الاعتراض اما القاضي يحقق في الموضوع ويكتشف ان الزوج هوا السبب في المشكله الي بينظرها هنا بيكون من حق الزوجه طلب الطلاق او الخلع ؟.........
احنا موضوعنا كبير ومخلصش ومهم فتابعي معانا هنكمل كلامنا في بوست تاني وبجدد التحيه بلال جابر محامي الاسره
..للتواصل
01024941022
Comments
Post a Comment