حالات الطلاق للضرر..

،،#ايه_هيا_حالات_الطلاق_للضرر
#والفرق_بينه_وبين_الخلع
#اعرفي_حقوقك_يصديقتي

اما بتحصل مشكله زوجيه الزوجه بتحاول تتنازل عن اي شئ مهما كان من حقوقها في سبيل انها تخلص من المأساه دي وطبعا كتير من الرجاله بيستخدمو دا عشان يهربوا من حقوق الزوجه اما تطلق واحنا انهارده هنقولك لو لسا حضرتك في المشكله ومحتاجه تطلقي ممكن تتصرفي ازاي من غير متتحايلي علي الزوج عشان يطلق وهنقولك ايه الحالات الي القانون بيسمح بيها في الطلاق وكمان ايه الفرق بين الطلاق للضرر والخلع وايه هيا الحقوق الي هتاخديها اما تطلقي للضرر ركزي معايا

مفيش اصعب من قرار الطلاق عند الزوجه لانها طبعا هتدخل في دوامه المشاكل الي مش بنتهي سواء بالطلاق او بعد الطلاق وعشان دي فعلا مشكله ودوامه كبيره احنا بنقولك ازاي تستفادي من المشكله باقل الخسائر وباكتر المكاسب ومش معني دا اننا بنحرض علي الطلاق احنا بنخاطب الي محتاجه فعلا تطلق وبناخد بايدها لبر الامان

اسباب الطلاق للضرر

في الاول افهم حضرتك انو لو فيه ضرر ايا كان نوعه فدا سبب من اسباب الطلاق فمثلا لو الزوج بخيل او مسافر او بيضربك او بيشتمك او عاجز جنسيا او متجوز زوجه تانيه اوهجرك او ايا كان سبب الضرر فحق تلجائي للقضاء وتطلبي من القاضي الطلاق بس دا محتاج اثبات

اثبات الطلاق للضرر

الاثبات بختلف من حاله لحاله وبنوعد حضرتك اننا هنشرح كل حاله في بوستات جايه بالتفصيل بس هناخد امثله فمثلا الي زوجها مسافر وسيبها ومش بيسال فيها هتجيب شهاده تحركات تثبت انو مسافر حاله تانيه زوج بيضرب هتجيب شهود حاله تالته زوج متزوج من اخري هتجيب قسيمه الزواج وهكذا .......

طب سؤال مهم ايه الفرق بين الطلاق للضرر والخلع

فرق كبير جدا بس هنحاول نبسط الموضوع في شكل نقط كمثال

الطلاق للضرر لازم يكون فيه اسباب زي مشرحنا فوق اما الخلع مش لازم سبب معين يكفي ان الزوجه محتاجه تطلق لاي سبب هيا مقتنعه بيه

الطلاق للضرر الزوجه مش هتخسر ولا حق من حقوقها يعني هتاخد نفقه متعه وعده ومؤخر اما في الخلع هتتنازل عنهم 

الطلاق للضرر بحتاج اثبات وشهود للضرر الي واقع علي الزوجه في الخلع مش محتاجه الزوجه اي اثبات

الطلاق للضرر بيطول شويه عن الخلع يعتبر اسرع في الوقت نوعا ما

الطلاق للضرر افضل ولا الخلع

احنا قولنا قبل كدا دا بيختلف حسب الزوجه والي بيحصل معاها مفيش حاجه اسمها ايه احسن دا طريق ودا طريق

في الحالتين الزوجه بتاخد الشقه لو حاضنه ونفقه للاطفال وقائمه منقولاته

احنا مخلصناش شرح للبوست تابعينا وهنقولك كل يوم حق جديد من حقوقك اتفائلي يصديقتي ان مع العسر يسر وعارفين ان الموصوع فعلا صعب عليكي وانو محدش بيحس بيكي في المعاناه بس تاكدي ان ربنا كبير وعمرك ماهتتظلمي  طول مانتي فاهمه انتي بتعملي ايه ودا دورنا تابعينا

بجدد التحيه بلال جابر محامي قضايا الاسره
محامى احوال شخصية بالاسكندرية ومحامى متخصص فى قضايا الطلاق والاحوال الشخصية محامى الخلع محامى النفقة

#اتفائلي_بكره_احلي

للتواصل

01024941022