حقوق الزوجة وحقوق الاطفال..

...ماهو الحل مع الخلاف الزوجى...؟
سؤال مهم جدا جالنا من احد الاعضاء على جروب محامى قضايا الاسرة وهوا هتصرف إزاى مع الخلاف الزوجى وازاى اطالب بحقوقى بشكل قانونى..؟ هنجاوب فى البوست دا عن السؤال دا وهنشرح كل حقوقك الزوجية البوست فعلا مهم لو حضرتك عندك خلاف زوجى ركزى معانا......

فى الاول لازم نوضح ان دورنا توعية قانونية وان قرار الطلاق او الصلح دا قرار شخصى للزوجة والزوج واحنا دورنا يقتصر على التوعية فقط...

الزوجة لو عندها اطفال وحصلت المشاكل الزوجية لازم تتوجة لقسم الشرطة وتحرر محضر تمكين من مسكن الزوجية ودا إجراء مهم جدا للزوجة عشان تحافظ على شقة الزوجية ودا هينفعها جدا بعد الطلاق.

بعد متحرر الزوجة محضر #التمكين_من_مسكن_الزوجية هترفع دعوى #نفقة_زوجية ونفقة الزوجية الزوجة تاخد بالها انها تكون بنوعيها مش بانوعها دا عشان هيا عامله تمكين وميروحش عليها وهيتم تحديد مقدار شهري للزوجة بالنفقة الزوجية.

والزوجة لازم ترفع نفقة اطفال ونخلى بالنا ان نفقة الزوجة بتختلف عن نفقة الاطفال لان دا حق للزوجة ونفقة الاطفال حق للاطفال.

لو الزوجة معاها قايمة منقولات هتحرر محضر شرطة بتبديد الزوج للمنقولات ودى طبعا جنحة بتكون عقوبتها الحبس على الزوج لو امتنع عن تسليم المنقولات الزوجية.

هنيجى للزوجة لو اخدت قرار الطلاق فيه طريقين للطلاق
الطلاق عن طريق #الخلع و #الطلاق_للضرر

بيفرق الخلع عن الطلاق للضرر فى الوقت وحقوق الزوجة ولو محتاجة تعرفى معلومات اكتر عن الفرق بينهم بننصحك بمتابعة صفحتنا او مراجعة البوستات احنا شرحناه فى بوست سابق اهم الفروق بينهم بس هنقولك اهم الفروق بينهم بشكل سريع الخلع اسرع ومش محتاج إثبات ومفهوش إستئناف اما الطلاق للضرر وقته اطول ومحتاج اثبات وشهود وفيه إستئناف.

هنروح لحاجة مهمة وهيا الولاية التعلمية على الاطفال الام تعمل ولاية تعلمية لاطفالها عشان تطمن ان الاطفال هيكملو فى نفس مستوى تعلميهم .

وكمان الزوجة هيكون ليها حقوق تانية بعد الطلاق زى نفقة المتعة والعدة ومؤخر الصداق ولو مهتمة وعاوزه تعرفى باقى حقوقى علقى #بتم عشان يوصلك باقى المعلومة بجدد التحية بلال جابر محامى قضايا الاسرة محامى احوال شخصية.

للتواصل

01024941022

لمزيد من المعلومات انضمى لجروبنا

https://www.facebook.com/groups/503810799993464/

او زورى موقعنا

Www.avocatobelal.com