اقصر طريق لزيادة النفقة...

،،

#زياده_النفقه

#نفقه_الاطفال_ونفقه_الزوجيه

#اعرفي_حقوقك_يصديقتي

طبعا بنسمع كلام كتير ان المحاكم مش بتدي نفقه اكتر من 150 جنيه وان الزوج ممكن يثبت انو مش شغال وميدفعش نفقه وكمان مش هطولي حاجه من المحكمه فخليكي راضيه بالقليل احسن وطبعا الكلام دا كله غلط

في البوست دا هنقولك حاجه مهمه جدا انو حتي ولو كان محكوم ليكي بنفقه قليله جدا ومش مكفيه مصاريفك ومصاريف اطفالك لاننا عارفين ان الحمل تقيل عليكي وان الاب بيحاول يهرب وبيعيش حياتو وبيتجوز تاني وبيرمي الاطفال وعشان انتي متحتاريش ازاي تصرفي عليهم وهتجيبي فلوس منين ركزي معايا

في الاول هنوضح انو البوست دا خاص بالزوجه الي المحكمه حكمت ليها بنفقه والنفقه دي قليله جدا ومش مكفيه المصاريف في حاجه في القانون اسمها زياده نفقه بس دي ليها شروط

لازم يكون عدي سنه علي تاريخ الحكم القديم وسواء كانت نفقه زوجيه او نفقه اطفال في الحالتين حقك ترفعي زياده وعشان تاخدي نفقه كبيره في الزياده دي حاولي تثبتي دا بكل الطرق سواء لو معاكي اوراق عن عمل الاب او التحريات هتثبتلك ان دخلو كويس لو هوا دخلو كويس فعلا

بس السؤال اما تزيد النفقه دي هتكون كام مثلا؟

هندي مثال للموضوع دا نوضح بيه القصه بتمشي ازاي

هنفرض ان زوجه كان معاها حكم من عشر سنين مثلا ب 500 جنيه نفقه فطبعا 500 جنيه من عشر سنين كانت قميتهم الشرائيه كويسه جدا وبيجيبو شويه حاجات في المثال دا لو الزوجه رفعت زياده نفقه وطالبت ان النفقه تزيد هتزيد لعده اسباب

الاول اكيد الطفل الي كان محكملو من عشر سنين بنفقه كبر وبحتاج مصاريف اكتر

الاب اكيد اترقي في الشغل وكمان مرتبه زاد 

الاسعار ارتفعت عن زمان بشكل ملحوظ 

فطبعا في ستات كتير بيطالبو بالمبلغ دا وهما مش عارفين ان من حقهم انهم يطالبو بزياده النفقه كل سنه 

في حد يقولك الزياده دي هتكون 10 في الميه 

الكلام دا مش صحيح ممكن الزياده تكون عشره فعلا او عشرين او خمسين او ميه في الميه او ميتن في الميه دا بيتحدد طبقا لحاجات كتير وبتختلف المعاير وطريقه تحديدها من اسره لاسره

طب ازاي هزود النفقه دي ؟

هترفعي قضيه في المحكمه بزياده النفقه وانشاء الله هتاخدي نفقه كويسه هيا طبعا مهما كانت قيمه النفقه فالاكيد مش هتغطي مصاريف الاطفال فعشان كدا بننصح الرجاله راعي ربنا في اطفالك ومش معني انك متفقتش مع مامتهم وتم الطلاق ان الاطفال دول يدفعو ضريبه طول عمرهم هما ملهومش ذنب فيها ومش لازم تعاند مع مامتهم عن طريق نفقه الاطفال بجد دا شئ ملهوش علاقه بالعقل ولا المنطق ولا الدين كمان قال كدا وكفايه انها بترفض تتجوز وبترفض تخرج وبترفض تهزر ادام الناس ولا نظرات المجتمع ليها كانها انسانه فاشله مع اني في الحقيقه هيا البطل الحقيقي للقصه 

في النهايه ربنا كبير يصديقتي وهيعينك علي اطفالك وانشاء الله هيكونو احسن حد في الدنيا ربنا مش هيضيع صبرك عليهم وتربيتك ليهم ابدا اشكرك واحيكي تحياتي بلال جابر محامي قضايا الاسره

ومتنسيش التفاعل لو البوست عجبك لايك شير تعليق 

محامى احوال شخصية بالاسكندرية محامى أحوال شخصية متخصص فى الطلاق والخلع والنفقة والطلاق للضرر

للتواصل

01024941022،